Ymgynghoriad

Mae'r ymgynghoriad hwn bellach wedi cau. Fodd bynnag, gallwch gael mynediad at ddogfennau drafft y Cynllun Trafnidiaeth Rhanbarthol isod.

Os oes gennych sylwadau neu ymholiadau, gallwch anfon e-bost at regional.transport@swansea.gov.uk

Cynllun drafft

Mae’r Cynllun drafft Trafnidiaeth Ranbarthol (CTRh) wedi’i baratoi gan Gydbwyllgor Corfforaethol (CJC) De-orllewin Cymru, corff sydd newydd ei sefydlu ar gyfer llywodraeth leol yn y rhanbarth. Mae'r cynllun hwn yn amlinellu rheolaeth strategol a gwelliant y rhwydwaith trafnidiaeth ar draws Sir Gaerfyrddin, Castell-nedd Port Talbot, Sir Benfro, ac Abertawe ar gyfer y cyfnod 2025 - 2030. Ar ôl ei gwblhau, bydd y Cynllun Trafnidiaeth Ranbarthol newydd yn disodli'r Cydgynllun Trafnidiaeth Leol bresennol, a luniwyd yn 2015.

Nod y CTRh drafft yw gwella a rheoli’r system drafnidiaeth er mwyn:

cefnogi twf economaidd.
annog symudiad moddol oddi wrth ddefnyddio ceir preifat
lleihau effeithiau amgylcheddol.

Mae’r Cynllun yn nodi ymrwymiadau i:

ei gwneud yn haws cerdded a beicio ar gyfer teithiau lleol
gwella bysiau a threnau fel eu bod yn fwy deniadol a chyfleus
gwella cysylltiadau rhwng gwahanol wasanaethau trafnidiaeth
rheoli ein rhwydwaith ffyrdd yn well

Dogfennau

Edrychwch ar y ddogfen crynodeb o’r ymgynghoriad i gael golwg gyffredinol ar y CTRh drafft ac asesiadau cysylltiedig

Gallwch weld Crynodeb o'r Ymgynghoriad.

Rydym hefyd wedi cyhoeddi’r Cynllun yn llawn ar gyfer eich adolygiad manylach sy’n cynnwys:

fframwaith polisi sy’n cynnwys 21 o bolisïau yn nodi ein huchelgais ar gyfer trafnidiaeth ar draws y rhanbarth..
cynllun Cyflawni Trafnidiaeth Ranbarthol sy’n nodi’r cynlluniau a’r ymyriadau sy’n cael eu hystyried i'w datblygu a’u hariannu dros y pum mlynedd nesaf.
Asesiad Effaith Integredig sy’n edrych ar sut bydd y Cynllun drafft yn cyfrannu at nodau ac amcanion polisi yn ehangach.

Sylwch fod yr holl ddogfennau ar gael yn Gymraeg ac yn Saesneg.

Llawrlwythiadau

Y camau nesaf

Cyhoeddi - Bydd y cynllun terfynol yn cael ei gyhoeddi yn Haf 2025, yn dilyn y cymeradwyaethau perthnasol.